- 13 -

1313. April 8.

In nomine domini Amen. Ad rei memoriam sempiternam. Noverint universi tam presentes quam posteri presentis pagine copiam habituri seu inspecturi, Quod Nos Wernherus Advocatus hereditarius Rathiboriensis, Oswaldus, Gothardus, Hermannus Isaldis, Wygandus Ottonis, Sydelmannus de Keczer, Consules, ac Universitas Civium ibidem, ad benignas peticiones Serenissime Domicelle nostre Ofce. Sororis Incliti Principis domini Lestkonis Ducis Rathiboriensis, domini nostri, inclinati, Molendinum situm super fluvio Odra apud Rathibor in Nova Civitate ab omnibus exaccionibus et collectis quocumque nomine censeantur, quas cum Universitate nostra dare et solvere idem Molendinum tenebatur, imperpetuum dimittimus liberum et exemptum. Preterea de mandato speciali prefati Principis domini nostri, domini Lestkonis Ducis Rathiboriensis, Promittimus hoc sub tytulo nostre fidei et veritatis nostrorumque successorum nomine et spondemus, quod cum omnes mortales simus, Si itaque memoratus dominus noster Dux Rathiboriensis Dominus Lestko ab hac luce prole seu herede legittimo ex se non relicto migraverit et decesserit, nulli penitus Principum seu Dominorum qui predicto Domino nostro Lestkoni in possessione terre Rathiboriensis successerit vel succedere debuerit, aliquod fidelitatis omagium sibi servande faciemus, donec prius pro modulo nostrarum virium, absque omni falsitate sed cum pura fide, apud eundem decertemus et racionabiliter ordinemus, quod omnes reditus et proventus prenominate Domicelle nostre Ofce tam in Civitate Rathibor quam extra Civitatem sibi per prefatum dominum nostrmn Lestkonem Ducem Rathiboriensem fratrern eius, ac Monasterio S. Spiritus et b. Marie semper virginis ac b. Johannis apostoli et ewangeliste apud Rathibor donatos, asscriptos ac privilegijs suis resignatos, dimittat liberos, pacificos et quietos, Ac eciam hoc litteris suis sub appensione sui sygilli roboret et confirmet. In cuius rei testimonium sempiternum sygillum nostre universitatis presentibus duximus appendendum. Datum et actum Rathibor in die palmarum, anno incarnacionis domini Millezimo Trecentesimo Tredecimo.

An einem Pergamentstreifen hangt das Siegel der Stadt Ratibor, ein halbes Rad mit einem halben Adler. SIGILLVM. CIVITATIS. RATIBOR.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.